相信大家應該對中國游泳選手「洪荒之力」傅園慧唔會太過陌生，呢位喺2016年里約奧運為中國奪得一面100米背泳銅牌嘅選手，憑住當日「傻大姐」嘅性格令佢旋即成為網絡上嘅話題人物。

而日前喺中國杭州舉行嘅短池游泳世锦赛，22歲嘅傅園慧繼續代表國家隊出戰，可惜嘅係佢喺50米背泳決賽只係游出26.06秒，比第3名僅落後0.02秒，排名第4位，無緣登上頒獎台。賽後非常失落嘅傅園慧，令人更加心疼嘅係發現其兩條手臂上都有一道道恐佈嘅血痕！

呢一道道血痕唔係其他人，而係傅園慧自己抓出來的，據以往嘅訪問中可以得知，佢為左激勵自己，所以喺比賽前都會咁樣「自虐」，為嘅係令自己更加集中。

好明顯，傅園慧係背負住非常大嘅壓力，因為整個國家人民都期盼著佢奪得獎牌。所以，佢只能夠透過痛楚暫時忘記壓力，可想而知其傻下傻下嘅表面下係隱藏住幾多不為人知嘅辛酸。