巴黎聖日耳門巴西球星尼馬，較早前在比賽中受傷，斷定為右腳蹠骨骨折，預計今季餘下大部份時間都會缺陣。對於呢一個消息，尼馬表示自己當時因此在家喊左兩日...

球隊預計，在與史特拉斯堡嘅法國盃受傷嘅尼馬，將至少要休戰至今年4月。尼馬表示，今次受傷與去年2月份所受的傷是一樣的，上一次嘅受傷令佢差啲踢唔到世界盃，而今次受傷則更加複雜。

27歲嘅尼馬接受訪問時表示:「今次要克服傷患非常困難...我在家裡足足喊左兩日...」

「第一次受傷我對自己講，一家要盡快完成手術，要以最快嘅速度復元，要趕上世界盃，因此我並不難過。」

最終尼馬完成手術，經過三個月嘅休養後，成功趕上參加世界盃，並為巴西隊攻入兩球，但球隊卻只能夠8強止步。

而今次受傷，聖日耳門嘅醫療人員決定以較保守嘅方法去進行治療。球隊官方亦對外表示，尼馬預計會缺陣10個星期，所以佢將會繼續缺陣包括面對曼聯嘅歐聯次回合。