蘇斯克查自從執教起曼聯起，成功將呢支在摩帥手下表現不佳嘅紅魔起死回生，雖然岩岩在聯賽不敵阿仙奴，但在歐聯成功絕地反殺巴黎聖日耳門，已經令球隊非常滿意其表現。因此，有傳曼聯方面已經傾向在今夏將蘇B轉正為球隊正式教練，並已經為其支付與莫迪的違約金。

蘇斯克查近日表示，佢目前與莫迪已經沒有任何關係，而只係與曼聯有著合約關係，合約則是到今年6月為止。

另外，有指莫迪方面較早前在球隊網站上刪除了一則有關蘇斯克查與球隊續約三年嘅消息。

由於蘇斯克查已經與莫迪沒有任何關係，所以理論上曼聯可以隨時選擇蘇B作為正式教練的。不過，曼聯亦明白到莫迪方面的讓步，係佢地同意在去年12月免除蘇B嘅合同，從而令曼聯與蘇B能夠一拍即合。

為左多謝莫迪，曼聯方面亦願意為蘇斯克查支付600萬鎊嘅違約金，而有傳蘇B今夏轉正的話，其年薪將會係摩連奴的一半，亦即係750萬鎊，作為一名並未有豐功偉績嘅教練，呢個價錢絕對不低了。