火影粉絲有福了！如果你嚟緊將會去日本關西，就千祈唔好錯過關西淡路島嘅「二次元之森公園」。「二次元之森公園」係一個主題性嘅動漫公園，而裡面基本上係以《蠟筆小新》為主題，所以又叫做「蠟筆小新冒險公園」，不過由4月20號開始，「二次元之森公園」加入新項目，仲係以大家都好喜歡嘅《火影忍者》為主題添！

由4月20號起，「二次元之森公園」會加入「火影忍者樂園」（NARUTO&BORUTO 忍里），到時裡面會有巨大嘅火影岩。

等身大模型以及闖關遊戲可以玩。

另外仲有《火影忍者》中出現過嘅「一樂拉麵」，到時都會喺「火影忍者樂園」裡面重現！

有興趣嘅朋友萬勿錯過呀！