{ SKIP }
文:MenClub 摯樂  圖:互聯網
POSTED ON 29 Apr 2019
【PTU電視劇】星光熠熠全明星陣容的《機動部隊》電影劇5月有得睇

我地一向好少寫華語電視劇,不誰是世界最強粵語大台TVB定中國內地重金大劇,不過來緊5月實在不得不提電視劇《機動部隊》,仲要一來就打孖鬧雙胞,TVB一套,內地優酷(Youku)出品另一套(也將會在本港Viu TV播放)。到底邊一套《機動部隊》好睇d呢個問題太難答。但如果未睇先論人腳優酷個套非常強大,強到值得獨立睇睇,有林峯,阿sa,方中信, 譚耀文、張繼聰、溫碧霞、苑瓊丹、林雪等電影級大製作陣容,好難唔引起關注。TVB同名個套《機動部隊2019》靠楊明、蔡思貝、張達倫、伍富橋、楊潮凱、胡渭康、袁文傑、陳庭欣,數哂人名出來人數夠但唔知夠唔夠照?算吧啦,數人數從來不是警方的強項,不過講起PTU大家最難忘都係一句「捽甩佢」………………..

最新消息Viu TV將會係5月9日播出廣東話版本

 

TVB個套咁正,我地暫時唔討論住,不如講下英皇出品的個套中國拍的超級合拍電視劇《機動部隊》,呢套合拍片由是由優酷、英皇娛樂、樂道互娛、新龍門影視聯合出品,英皇霍汶希擔任總製片人,方思、林晉諾擔任製片人,何澍培、韓平執導。最驚人的來自主演的陣容,不厭其煩再報一次你聽,由林峰、蔡卓妍領銜主演,再加上方中信、譚耀文、張繼聰、溫碧霞等演出,仲有林雪、張錦程、石修、苑瓊丹特別客串的一套時裝警匪劇集。

 

預告是完全唔能夠融入香港的國語版,但相信是有粵語版在Viu TV播出

PTU機動部隊大家最深刻應是任達華個套電影,由杜琪峰於2003年出品。PTU其實是香港一支半軍事訓練的應變及防暴部隊,由輪流抽調的警員組成,平時負責反黑巡邏、人群控制,遇上騷亂(呢個詞好難界定!)時則負責防暴工作。優酷今次開拍呢套機動部隊題材,講述全新的警匪故事。電視劇版有很多個單元案件,採用一個案件接一個案件地推進,所以有很多香港的前輩演員客串,也有很多槍戰和爆破的戲份。係電視銀幕上難得大場面大人物金錢大作。

 

此劇是中國國內首部講述香港PTU機動部隊的劇集,聚焦香港PTU警員的生活現狀和心路歷程。難得中國內地觀眾想睇香港警察的故事,劇照見一班香港著名影星一字排開影劇照,超級型,不過香港地好少見到香港警察荷槍實彈排呢個威武陣勢,可能香港真係一個「福」地,記憶中係得好幾年前一次黃色運動會出過呢D陣勢,不過係唔係面對罪犯我就唔記得,也唔太想唸起!

呢部警察神劇將於2019年5月6日在內地優酷獨家首播。然後正式在香港Viu TV播放時間同日期就未知。可能會和TVB同期播映都唔奇……………到時就係PTU對碰,睇明星級陣容定睇TVB重頭劇加上慣性收視就由香港家庭觀眾自己決定。

華納兄弟探索總裁David Zaslav去年曾表示,未來將推出更多《魔戒》電影,期望以全新且令人興奮嘅方式將J.R.R Tolkien無與倫比嘅世界帶回大銀幕。事隔一年,華納兄弟嘅重返《魔戒》計劃終於有消息! 據外 ...
hobby
【咕嚕做主角】華納兄弟宣布製作全新《魔戒》電影《The Hunt for Gollum》
10 May 2024
現時串流平台眾多,相信大家都有諗過,如果可以一個價錢睇晒咁多個台就好喇!最近迪士尼同華納就宣布推出Disney+、Hulu、Max同綑訂閱服務,相信會為Netlfix帶嚟唔少壓力。 迪士尼與華納兄弟探索日前共同 ...
hobby
【三合一套餐】迪士尼與華納聯手推出Disney+、Hulu、Max同綑訂閱服務
10 May 2024