{ SKIP }
文:MenClub 波特先生  圖:互聯網
POSTED ON 16 May 2019

前曼聯領隊「足球天才」莫耶斯日前接受媒體訪問,佢認為而家嘅曼聯同佢當日離開嘅時候無任何分別,根本無任何進展,球隊必須繼續去支持自己嘅領隊。

圖片來源:90min

自從費格遜領隊宣佈結束執教曼聯嘅生涯退休,曼聯一直尋找適合嘅接班人,而當年費Sir退休後第一位上位嘅紅魔領隊就係莫耶斯,但最終佢未能取得成功,並只係執教左9個月就被辭退。

圖片來源:PA

自從莫耶斯離任後,曼聯4個賽季用左3位領隊,佢地分別係:雲高爾、摩連奴及蘇斯克查,但結果都係同莫耶斯一樣,球迷都係見到唔曼聯有任何提升。

圖片來源:manchestereveningnews

實際黎講,曼聯嘅情況又唔算非常差,佢地呢幾年都有拎到冠軍,其中雲高爾期間拎過足總盃冠軍,而摩連奴期間則更加拎過聯賽盃及歐霸盃冠軍。

圖片來源:Premier League

不過喺聯賽方面,曼聯自從莫耶斯離任後,排名基本上無咩變化。上季喺摩連奴嘅帶領下,球隊尚且拎到聯賽亞軍,但黎到今季球隊大幅落後比曼城及利物浦,足以證明佢地之間有幾大嘅距離。

另外,自從莫耶斯離隊後,曼聯合計大約花費左5億鎊去改善球隊陣容,但莫耶斯卻表示如今嘅曼聯仍然存在當時佢要面對嘅問題,言下之意即係球隊並未有顯著改善。

莫耶斯又表示:「當我接手曼聯時,你需要改變球隊及球員,但呢啲都係需要時間的。而我覺得我離開球隊4年後,球隊嘅改變基本上係沒有的。情況都係好似的,佢地口裡話要改變,並說一定要完成。」

圖片來源:wessexscene.co.uk

雖然喺曼聯未能取得成功,但係莫耶斯仍然希望曼聯要支持蘇斯克查,並且要恢復過去一直擁有簽下未來巨星嘅計劃。

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025