{ SKIP }
文:MenClub 波特先生  圖:互聯網
POSTED ON 20 May 2019

武磊可以話係現時中國足球嘅代表人物,佢係現今中國國家隊唯一一位能夠到歐洲踢波嘅球員,更甚嘅係佢竟然可以瞬速成為球隊主力,並且喺球隊關鍵嘅最後一場比賽成為英雄,呢一點相信應該無咩人估得到。

圖片來源:chinadaily.com

今季西甲煞科日,愛斯賓奴本來係被動的一隊,佢地雖然有機會爭奪來季歐霸盃外圍賽資格,但係就要睇畢爾包做人,因為愛斯賓奴唯一嘅機會就係不單止佢地自己要贏波,仲要畢爾包輸比西維爾。當然,西維爾唔係弱隊,但係其實佢地已經無野爭,所以動力相對要比畢爾包弱。

View this post on Instagram

ROBERTAZO  - #RCDE | #Volem | #EspanyoldeBarcelona | #EspanyolRealSociedad

A post shared by RCD Espanyol de Barcelona (@rcdespanyol) on

而愛斯賓奴只可以做好自己,其他只可以聽天由命。而愛斯賓奴與皇家蘇斯達嘅比賽,上半場佢地未能夠取得任何入球,呢個足以令球隊上下都開始緊張,因為如果佢地贏唔到波一切都只係空談。

下半場,羅沙里斯成功取得入球,愛斯賓奴成功取得領先,可以話叫做盡左自己最大程度上可以做到嘅野。另一邊廂,西維爾其實上半場44分鐘已經取得入球,但係佢地未能夠再擴大領先優勢,所以畢爾包仍然存有一線生機,只要佢地可以取得1個入球扳平比分,能夠獲得歐洲賽資格嘅仍然係佢地。

圖片來源:IC

當然,愛斯賓奴自己亦未完全安全,因為如果佢地稍一不慎被對方入球,咁樣佢地將會非常難踢落去。而喺比賽65分鐘佢地終於等到,武磊接應隊友嘅高空球傳送,獨自殺入禁區面對門將,佢非常冷靜處理呢球單刀,最終為愛斯賓奴獲得兩球嘅領先優勢,叫做為球隊真正可以保有贏波嘅優勢。


其實畢爾包個一邊本有機會喺臨完場前扳平比分,但卻過唔到條門楣,最後更被西維爾反擊得手,最終以0:2落敗。就係咁,愛斯賓奴奇蹟反超畢爾包登上聯賽第7位,獲得來季歐霸盃嘅外圍賽資格。

比賽完結,愛斯賓奴得知獲得歐洲賽資格,整個球場嘅球迷都陷入瘋狂,情況就好似贏得聯賽冠軍一樣,而武磊亦成為球迷嘅英雄,要知道愛斯賓奴喺加入武磊前,其實屬於聯賽下游球隊,甚至有降班危機,但後來武磊加盟後球隊情況大幅逆轉,最終更獲得歐洲賽資格,難怪球迷陷入瘋狂。

唔知你又覺得愛斯賓奴嘅逆襲,有幾多係關武磊事呢?

圖片來源:XINHUA
人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025