曼聯近期正努力為下賽季準備，當中買賣球員固然重要，但係留住現有球員亦都係不或忽視，其中中場核心普巴日前公開表達希望離隊，而曼聯嘅應對意外地軟弱，佢地竟然只係選擇妥協，直接給普巴開出人工接近翻一倍嘅新合同。

消息指，曼聯決心想留住26歲嘅普巴，雖然對方已經公開表達自己嘅離隊意願，但係曼聯有意用金錢希望令其留低，佢地正準備為呢位法國中場開出50萬鎊嘅週薪，要知道普巴原來嘅合同僅餘下兩年，週薪「只係」29萬鎊，所以今次加薪幅度達到72.5%，將令佢一口氣追上原來曼聯陣中最高薪嘅球員山齊士，同時合同年期將增加一年。

當然，曼聯亦有諗過將普巴出售的，其中皇馬有意用9000萬鎊將其拿到班拿貝，但係當日曼聯以回購佢嘅時候係8900萬鎊，所以紅魔鬼心目中嘅賣價則為1.5億鎊。

從另一個角度睇，普巴可能只係跳草裙舞，佢知道曼聯非常重視自己，所以公開表達想離隊，將可以有更多籌碼去同曼聯爭取自己想要嘅野，其中大幅加薪絕對係目的之一。不過如果曼聯認真思考，此前已經證明以超高薪簽下山齊士係極錯嘅決定，如果今次再錯一次的話，將嚴重打擊曼聯嘅薪酬架構，更重要嘅係效力曼聯嘅普巴並未能證明自己適合踢英超，所以睇定啲先係明智嘅決定。

View this post on Instagram

Keep it coming China #PPAsiatour @adidasfootball

A post shared by Paul Labile Pogba (@paulpogba) on Jun 14, 2019 at 6:46am PDT