現年42歲嘅「羅馬王子」托迪，自2017年「被退役」後，便出任球隊董事一職，成為羅馬嘅管理層之一。不過，日前托迪突然宣佈辭職離開呢支已經效力30年嘅球隊，實在令人感到驚訝，原來當中關乎托迪竟然喺管理層中被冷待。

托迪表示：「2019年6月17日下午，我發了一個電郵...這對我黎講係不可想像的：我遞交了辭職信，我從未無諗過會有呢一刻黎到。」

對於辭職，托迪表示自己自從加入管理層後，雖然有決策權，但卻一直被忽視，每逢球隊有重大決定，佢都無份參與，而佢將原因歸咎於羅馬老闆柏路達(James Pallotta)。

其實托迪今次離開並唔係意氣用事，因為佢真係已經忍左羅馬班管理層好耐。2017年托迪雖然「年事而高」，但仍無掛靴嘅諗法，但係管理層一意孤行將托迪「升為」球隊董事，間接令托迪「被掛靴」。其後，球隊唔單止唔比佢幫手決策球隊事宜，而係只會喺球隊有事嘅時候先推托迪出黎。

Francesco Totti: "Leaving Roma is like dying" pic.twitter.com/NutivUVFJZ

— Football Daily (@footballdaily) 2019年6月18日

不過真正令托迪辭職嘅導火線，相信必定係球隊拒絕續約迪羅斯，要知道托迪與迪羅斯情同兄弟，而迪羅斯亦都與當日嘅托迪一樣，根本並未有意掛靴，但球隊卻漠視功臣嘅要求，完全唔念感情，因此怒不可竭，忍無可忍嘅托迪明知離開羅馬係比死更難受，但佢都唔想再留喺呢個地方。