《新世紀福音戰士》先前我哋都介紹過咩都標(Metal Build)推出EVA初號機，家陣公佈將會推出姊妹機EVA-02貳號機。咩都標出咩都成為熱話，唔炒都係人氣之作。B廠最強技兩-兼用，所以無論三號四號甚至使徒們都可以排住隊出呀。齊齊嚟睇下明日香嘅機體咩都標化會有咩特色。

外型上同初號機，幾乎一樣，可動性當然都一樣啦。顏色就改為鮮紅色為主，而且配色相比動畫原設更君貼合機械嘅設定。

武器量同初號機不相伯仲，有趣嘅鎅刀仔都有，而且仲可以褪出嚟，造工非常仔細。重點係，個格納庫支架， 掛晒上去，氣勢不凡。細致程度絕對大眾所喜愛嘅咩都標級。

先前有入到初號機嘅朋友，點可以放過今次貳號機呢?跟住仲有三號機都會輪住出，EVA Fans 絕對係會儲齊晒一套。雖然推出日期未定，但留意下各大玩具店訂購綱啦!應該快㗎啦!

METALBUILD EVA-02 Production Model 貳號機

發售日期：未定
參考價格：未定(初號機參考價22,000円[未連稅])