相信有追開我哋Menclub 都知，今個秋天將會推出《Monster Hunter World》嘅大型DLC。就係今日，官方公佈將會推出Iceborne 嘅限時試玩，為炎炎夏日帶來一點冰涼快感。想試玩嘅，齊齊喺今個星期五開始約返你嘅龍友，重開你部PS4啦!

其實都真係唔明， 點解個時間係UTC嘅?明明係香港地區，點都唔係香港常見GMT+8 時間?反而睇返日本果邊嘅官網，係行返日本時間喎!真係唔識計，睇返日本時間，即係香港時間 6月21號(星期五) 20:00 開始~ 24號嘅19:59，喺哩段期間可以試玩第一回測試。第二回將會喺再下一個星期，6月28號同樣20:00 開始，玩到7月1號嘅19:59分。

不過小熊上網睇過UTC同我哋常見嘅GMT喺日常使用下係一樣嘅，即係21號當日朝早10點就開始測試，仲要比日本果邊早。

留意返，想參加第一回測試試玩，一定要係PS Plus 會員(雖然有啲廢話，但Online 玩點都要Join 㗎啦!所以正確嚟講大家唔係獨家村，都應該可以試玩到。第二回就應該免費開放畀無Join PS Plus 嘅人都可以試玩下。今次試玩要唔要原版遊戲，就無特別提及到。更重要一點係，唔可以承繼原版遊戲進度，要重新創造另一個新角色參加試玩。睇嚟大家一開始係公平嘅，考嘅係技術。

今次試玩，預告會有三個級別嘅任務，分別係初級蜥蜴仔，中級嘅猛牛龍，同高級嘅轟龍BB。相信大家非常期待轟龍BB 吧!

當然之前講過嘅新追加元素都會加入喺今次試玩版入面包括「騎乘」等。希望大家可以有新嘅芒亨體。

不過最怕係PS 個Server 又Down機，咁就真係齊齊凍結部機，之前唔係未試過，極之希望，今次索尼大人會開個新Server 出嚟試佢。

《Monster Hunter World ： ICEBORNE》測試版

平台：PS4 / PC 
測試日期：第一回測試時間：2019年6月21號 10:00 ~ 6月24號 09:59
              第二回測試時間：2019年6月28號 10:00 ~ 7月1號 09:59
參加要求：需要有PS Plus 嘅有效帳號(第一回)