「保方保方，保住後方！」勢估唔到離開左祖雲達斯一年嘅保方，仲有機會同埋咁快就再一次番到呢支自己曾效力多年嘅球隊，實在係令唔少球迷感動。

現年已經40有1嘅保方，去年夏天與法甲班霸巴黎聖日耳門簽約1年(第二年為球員選項)，僅僅過了一年佢又再次回到呢個家。雖然看似回家，但係不變不變仍需變，保方今次回歸祖記有唔少事情需要重新適應。

回到祖記，保方拒絕會方為佢奉上隊長臂章及1號球衣，因為佢認為基亞連尼如今更適合當隊長，而1號球衣則應該留比正選門將施捷斯尼，所以佢決定選擇77號球衣。如果你對保方唔夠認識深的話，你可能唔會知道佢揀77號球衣嘅原因，保方表示選擇77號係因為自己嘅歷史，這將會為佢帶黎好運。其實早喺第一次加盟祖雲達斯之前，效力帕爾馬嘅保方就曾經著過77號嘅球衣。

對於保方黎講，回歸祖記只係想回歸呢個屬於佢嘅地方，因為佢2001年由帕爾馬轉投祖記後，一共效力左17個球季，期間助球隊奪得9次意甲冠軍、4次意大利盃冠軍及5次意大利超級盃冠軍。而唔單止咁，保方仲有機會打破AC米蘭名宿馬甸尼喺意甲嘅上陣紀錄，只要呢位門將再上陣8場，就可以超越馬甸尼成為意甲歷史第一。