{ SKIP }
文:MenClub 摯樂  圖:互聯網
POSTED ON 11 Jul 2019
【無劇透】Netflix靠皇牌劇《怪奇物語 3》破紀錄保住人氣迎敵
 

煲劇係課餘飯後最自我的時間,尤其今時今日好多人唔想再睇電視機,好怕睇到新聞台,煲劇生活就是最離地卻又最佳的享受,近來煲咩野好?相信好多人都答你近來剛睇完《怪奇物語 3》,呢套由最初推出一班細路到今天去到第三季已經是一套全球知名的Netflix神劇,擁有大量粉絲基數,對於劇情內容我可能仲唔夠你熟,都唔駛簡介,不如講講數字,原來呢部野推出僅一星期全球收看人數已超過 4 千萬,成為近期必看熱爆劇集!咁你問4千萬人收看即係有幾多點收視點?傻豬,而家盲毛先會理香港電視節目有幾多點收視!!

 

 

Netflix 原創神劇《怪奇物語 3》係 7 月 4 日正式上架播放!由於第一季同第二季的《怪奇物語》好評如潮,所以就有一大班忠實粉絲相當期待,我唸今時今日大多數的影迷正在或已經收睇緊《怪奇物語》,甚至乎好多人用一晚的時間極速睇哂全季。當然睇完又會話「又要等新一季」。根據Netflix的官方數據,《怪奇物語 3》一週內就打破哂收視紀錄,全球收視紀錄數字驚人超過4千萬人收看!當中有一個有趣數據,全球有1800 萬人是在一晚之內一次過煲完成季(共 8 集),證明有好多人的煲劇方式都是馬拉松式,一口氣煲好多好多集通頂完成,唔知大家係咪呢種劇迷,對上一次通頂煲劇又係幾時?通頂來講係青春呀!!

 

Netflix近年投入大量金錢買新劇,資出龐大好多人都擔心緊年尾開展的網絡串流平台大戰,唔知Netflix會唔會頂得住呢?數據研究公司 Cowen&Co. 早前就對 2500 份位消費者進行市場調查,數據顯示:「近 5% 的觀眾會因為《怪奇物語 3》而成為 Netflix 新會員,同時亦有 13% 的前會員因為《怪奇物語 3》而再次訂閱 Netflix!」雖然一部劇未必救到全家,但係起碼證明有皇牌劇作才是生存之道,希望Netflix可比帶來多D好劇等大家煲個夠!!

 

 《怪奇物語3》故事從第二季之後一年的 1985 年 Hawkins 發展,今年暑假小鎮最重要的大事就是一個新的購物中心正式開幕,而這群主角們也開始邁入轉大人的青春期,浪漫情愫也跟隨隱藏危機的詭異氛圍蔓延茁壯。前所未見的威脅和原來舊有的黑暗力量一起出現。他們為了生存必須團結起來,因為友誼才能戰勝恐懼!

人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025