從來射門都有好多唔同嘅方法，好似勁射、熨射、倒掛、窩利等等，但係亦都有一啲射門係避重就輕，以柔制剛，就好似下面呢一球咁樣。

呢位球員接應隊友嘅地波傳中，面對身後有防守球員，前面有門將正殺埋身，位置仲要喺近柱位置，理論上要即刻射門基本上係無角度的，而控停個波再處理亦都非常困難，但係呢位球員就用上另類方法處理。

呢位射手並無正面以力打力，反而利用左腳腳面輕輕將個波chip起，等佢笠過門將，同時身後嘅防守球員亦都難以用腳阻擋，最終球成功飛入網窩入球。

呢個入球可以睇得出球員非常醒目，懂得喺有限空間下創造入球機會，實在值得我地學習的。