馬來西亞前羽毛球一哥李宗偉，因為身體問題較早前宣佈掛拍退役，消息令唔少球迷心碎，特別係佢一直以東京奧運為目標，如今與林丹嘅夢幻對決已成絕響。

雖然唔能夠再喺羽毛球場上一展身手，但係李宗偉仍然會出現喺東京奧運中，因為佢將會以馬來西亞羽毛球代表團團長現身，而佢日前接受訪問時對馬來西亞政府作出提醒，希望官員們能夠全力支持代表國家嘅運動員。

李宗偉唔開名咁批評：「好多官員喺我處職業生涯高峰時出現，但當我陷入低潮時卻不見人影，呢幾年來我見過太多了。有難時先知道邊個係真正嘅朋友，我希望當運動員陷入低潮時，所有體育官員都可以比最好嘅幫助佢地。」

對於運動員黎講，能夠獲得全面支持去專心一致準備比賽絕對係最理想嘅環境，因為如果佢地未有獲得support，亦即係代表佢地要分心處理其他事，咁樣佢地將難以保持最佳狀態，想要拎到好成績將變得非常果難。

而不少政府官員從來都只係識出黎攞彩，有獎牌就走出黎影相，無獎拎嘅我諗佢連對方叫咩名都唔知，人情冷暖實在令人失望。