【好羞澀】日本插畫家自製出超爆感性爆肌男筷子托前後都用得

健身練大隻係好多男士的工餘追求，無論是為左健康定興趣，大隻仔就成為好多女女或者仔仔(不是吧！)舉目注視的目標，日本近期就有一個特式肌肉筷子托在Twitter大紅，一個超感性爆肌男承托筷子，見到都面紅耳赤，女女睇到即刻熱哂，不過如果你睇到覺得好有感覺，試下將爆肌男承托調轉放，睇下！嘩！連底底都無著？面紅耳赤？恭喜你，你通過測試

マッチョ箸置き完成版第一号
日焼けカラーができました
背筋マニアは裏返して使うのもアリ pic.twitter.com/KWinrFEsE5

— 斉藤幸延@Yoshinobu Saito (@yonyon76) July 10, 2019

呢個咁「特別」的肌肉筷子架，原來唔係商品來，只是一位日本插畫家齊藤幸延（@yonyon76）自製，我唔知點解呢位仁兄會製作咁「爆」的全裸仰臥起坐爆肌筷子托，但佢用家中3D列印的方式自製作的這些筷子托真係造得好出色。身體線條感好「健碩」，係健身界的最高目標，健美的典範，所以好快呢個作品就大紅，好多人在twitter上要求佢量產出售，求購之聲音不絕！！

最特別的自然是肌肉的線條，此外，仲有一個迷思在網絡引發，其實佢有無著底褲呢？呢個筷子托除左一般set up擺法，原來仲有暗黑用法，就係將佢調轉，原來爆肌筷子架唔止用肚，仲可以用背肌承托筷子，感覺更型更強烈。

除左泥土色肌肉筷子托，原來仲可以有唔同顏色，樓主經過上色之後，創作出5種的顏色，日後一旦成功量產成商品出售就可選擇，朱古力波原色，朱古力波超古銅色，金色，銀色同銅色五種。

而個人認為黃金的肌肉筷子托，是居家送禮的超珍品，問下你朋友們，邊個睇到呢個產品會有「心跳」的感覺，呢D野原來性別不是必然的預期，你有無心動？！唔係個個都經得起考驗，唔信你問下身邊朋友們！