Pokemon GO 哩個手提遊戲每年都喺唔同國家同地區舉辦「FEST」活動，而啱啱舉辦完嘅「橫濱FEST」有大量指定精靈同特定任務可以解......不過你無再玩哩個遊戲都好，除咗日間有遊戲內嘅活動外，晚上舉辦咗大型晚會，有全球最多數量嘅比卡超出現，有成二千隻呀！Pika！Pika！x1000

舞台初登場就有一大班比卡超出現，加上唔同嘅黃色舞台燈光，現場真係充滿黃色嘅熱鬧氣氛。

再有唔同造型打扮嘅比卡超大量登場，再歌再舞。加上橫濱海岸邊水與光嘅效果，真係感覺有如嘉年華咁。

再嚟就係比卡超森林嘅情景，大量比卡超軍團出場，哩種黃色，很黃但不暴力，反而好治癒，相當吸引人。全場人大叫Pika！Pika！

當然仲有另一位熱嘅朋友(敵人？)伊貝都大量出現。

仲有玩緊隻GAME嘅朋友，應該知，入場券唔係話買就買，都仲要喺隻GAME入面抽，抽中先有得買，真係珍貴到呢！小熊都中過芝加哥嘅入場券，不過當然無去啦！唔係包埋機票畀我，張入場券又要另外畀錢買。

小熊真係好希望香港都有哩類活動，香港都有大量Pokemon GO 玩家㗎，就算唔係Pokemon GO 活動都好，我都想見下二千隻比卡超圍住大家喺度轉，大家一齊大叫Pika！Pika！比卡超啦！