Netflix可以睇到一系列經典的電視劇包括《Friends》《絕命毒師》等等好多永恆舊作，隨著HBO、迪士尼等自立門戶，《Friends》將於2020年下架（早年下架過引起好多不滿！）而《絕命毒師》呢？Netflix買左佢電影版版權，製作全新原創電影《續命之徒：絕命毒師電影》（EL CAMINO: A BREAKING BAD MOVIE），係全新的電影作，Aaron Paul繼續出演，日前釋出全新驚喜預告，五季劇集過後繼續劇情有電影版，追過或未接觸過《絕命毒師》BREAKING BAD朋友，我推薦你了解一下，超正的作品！

簡介來講《絕命毒師》（Breaking Bad）係一套美國電視劇，由2008年到2013年喺AMC頻道播，總共播咗5季。故仔講一位化學教師點樣建立毒品王國。BREAKING BAD當年橫掃 110 個獎項係美國其中一部經典美劇－《絕命毒師》共有五季歷史，行貨咁講就係劇情緊張刺激、引人入勝，收視率持續高企。其實好多劇迷都不時問仲會唔會繼續拍，睽違五年，Netflix決定滿足各位觀眾的願望(其實都係做生意！)，製作全新原創電影《續命之徒：絕命毒師電影》（EL CAMINO: A BREAKING BAD MOVIE）絕對令全球觀眾都引頸以待(同一句！比左月費唔係唔睇呀！

《續命之徒：絕命毒師電影》由美劇《絕命毒師》的製作人 Vince Gilligan 負責，並由憑著《絕命毒師》三度奪得艾美獎劇情類最佳男配角的 Aaron Paul 繼續演活 Jesse Pinkman 一角！

關於《續命之徒：絕命毒師電影》劇情：被囚禁的 Jesse （Aaron Paul飾演）在成功逃脫之後，必須認真面對他的過去，從而決定他未來的命運⋯⋯

《絕命毒師》電影將於 10 月 11日在 Netflix 獨家上映