泰國除左出名人妖同泰拳，其實仲係一個佛教國家，大多數人信奉南傳佛教，一街都係和尚，泰國和尚仔其實和一般青少年一樣，都要食訓玩，玩得叻的仲可以成為冠軍級人馬，泰國東北部的Nong Khai近期就舉辦左2019 KKU Nong Khai Fair電競比賽，由三名「真佛系玩家」和尚參賽者贏出比賽，出家和尚打出一片天，一戰成名天下知，不過就引來辯論，到底和尚出家人可唔可以打機甚至參加電競比賽？？

電競文化近年係亞洲以至全球興起，電競開始成為一種新世代的「運動」，好多電競比賽係唔同地區舉行，泰國東北部的Nong Khai都舉行左一場手機遊戲的電競賽事，結果由代表府內宗教學校的Balee Sathit Suksa校隊贏出，不過同一般勝利者唔同，呢隊來自佛教學校的隊伍全校都係出家和尚，打機參賽到捧杯得獎都著住和尚的袈裟上台領獎，即時型出國際，引發海內外關注同話題。

三位高中生和尚來自府內宗教佛教學校 Balee Sathit Suksa，呢間學校上課除了要每週修滿20小時的宗教課程外，其餘時間、課程內容同一般學生講高中係無分別。該校校長Kokkiad Chaisamchareonlap表示這些學生透過學校電腦接觸到電競文化，因此產生興趣，得知有KKU Nong Khai Fair咁樣的手機遊戲電競比賽後就希望參加，校方認為都無咩問題，反而覺得應該比他們機會去爭取，仲話校方認為輸贏不重要、重要的是他們努力的過程。當然校長無諗過學生直接奪冠成名！

消息一傳出就一傳十、十傳百，而身穿袈裟領獎的畫面也成為比賽現場的一大亮點。泰國國內就有好多人認為和尚唔應該參加電競打機比賽，咁香港教會學校係咪都唔應該參加打打殺殺的電競比賽呢？當然我相信睇呢單野大家關注的重點應該都係佛系玩家呢個咁有趣的形象，你可能覺得佢地打AOE出僧侶海攻勢應該都係會必勝……..