世界盛事，奧運會將會喺嚟緊2020年東京舉行，相信都無乜人唔知，而喺遊戲界亦有一個永遠嘅支持者，就係瑪利奧同超音鼠哩個奧運GAME嘅拍檔。《2020東京奧運》更加喺日本佢哋嘅主場舉行，佢哋更加落力去搞各項目，動漫等等全力出動，遊戲就交畀佢哋兩Team 人喺GAME入面預先鬥返餐，等大家喺迎接奧運前，做定熱身。

遊戲收錄咗21項東京奧運嘅熱門項目。配合Switch 嘅多人遊玩性，絕對係新嘅Party Game 之選！

以瑪利奧隊鬥超音鼠隊。各位選手分別以「拳擊」、「羽毛球」、「乒乓波」、「擲鐵餅」、「馬術」、「滑板」、「體操」、「攀石」、「滑浪」同埋「劍擊」等等。見到都想即刻搵朋友一齊嚟鬥返餐。

除咗原本嘅奧運項目，仲有遊戲獨有嘅新玩法同比賽，除咗有真實嘅運動，更有遊戲先玩到嘅項目，令整體更豐富多變。

兩隊人喺現時公佈咗嘅角色總數多達20名，而各個角色都有佢獨有嘅技能，可以應用喺唔同項目度，咩叫贏在起跑線上。

遊戲另一有趣嘅玩法係，有一股中古風，以「8bit」、「16bit」嘅畫面，玩返1964年東京第一次舉辦奧運嘅項目。既然大家都話Switch 係炒飯機同埋官方模擬器，就用哩個風格再去出Game 真係一個好好嘅做法。相信哩種復古風，會好啱一堆玩紅色機大嘅機迷。

「8bit」鬥「16bit」再鬥到立體世界，真係全天候鬥餐飽。

相信見到「瑪利奧」應該知，會係任記主機限定啦！而且啱啱公佈咗日本本土Switch 係2019年上半年係大贏家，再配合埋新版Switch 同埋Lite 版，再加上《東京奧運》嚟緊Switch 人氣都幾高。

《瑪利奧&超音鼠 at 2020東京奧運》

遊戲平台：Switch
遊戲類別：運動
遊戲參與人數：單機1-4人、聯機模式為2-4人、網上對戰最多8人
推出日期：2019年11月1號
售價：5,990円(未連稅)