{ SKIP }
文:MenClub 波特先生  圖:互聯網
POSTED ON 09 Sep 2019

籃球界至高無上嘅NBA總冠軍,相信打得NBA嘅發夢都一定想拎到,但每年只有一個,要想拎到都真係談何容易,就算你實力出眾,無人能敵都唔一定可以比你順利奪冠,好似Derrick Rose就係敗左係受傷之中。

現年30歲嘅Rose,今夏簽約活塞,扶助Blake Griffin及Andre Drummond。對於球迷黎講,活塞要想黎緊幾季中奪冠,相信機會不大。不過,對於Rose黎講佢嘅生涯一直只有一個目標,就係奪得總冠軍,所以Rose願意加盟活塞,應該都係一定程度上相信球隊係有能力奪冠的。

Rose接受訪問時表示:「當我比賽時...我真係好想贏得一次NBA總冠軍!」

「我基本上獲得所有個人榮譽,而現在係時候去得到我真正想贏得的東西。」

雖然Rose近年都受傷患困擾,但如果無傷嘅佢仍然係一名非常穩定嘅球員,上季效力木狼上陣51場嘅佢,平均取得18分4.3助攻,季後賽場均亦都達到14.2分。所以,預計Rose將大大增強活塞控衛嘅得分能力,而佢將會與Reggie Jackson分擔上陣時間,暫未知Rose會否成功搶得正選位置。

對於黎緊一季嘅前景,Rose顯得較為樂觀,佢認為球隊喺東岸係有機會的,特別係球隊有兩名出色嘅大個子球員,球隊整體亦不錯,所以結果如何你永遠都唔會知道。

只要保持健康,Rose仍然可以為球隊帶來巨大嘅幫助,究竟呢位昔日最年輕嘅MVP,可唔可以帶領活塞創造奇蹟,實現自己嘅夢想呢?

人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025