{ SKIP }
文:MenClub 波特先生  圖:互聯網
POSTED ON 09 Sep 2019

今年美國網球公開賽,決賽由「泥地王」拿度與首次打入大滿貫決賽嘅23歲俄羅斯球手梅德韋傑夫,雙方激戰4小時50分鐘,最終仍然由拿度獲得最後勝利,新一代球手究竟幾時可以喺大滿貫決賽中擊落三隻怪物呢?

今屆美網,拿度繼續出色嘅發揮,殺入決賽前僅喺面對施歷嘅時候輸過一盤,其餘都係以直落三盤晉級。而另一邊嘅梅德韋傑夫則大多以3:1或3:0晉級,所以表現亦唔差得過拿度太多。

面對三屆美網冠軍拿度,梅德韋傑夫並未有怯場,反而一黎就打破拿度嘅發球局,比個下馬威對方。不過,經驗老到嘅拿度又點會比呢位年輕球員嚇倒,佢好快就還以顏色,接連打破梅德韋傑夫嘅發球局,最終贏得首盤。

其後,拿度喺第二盤掌推主動權,好快就以6:3贏下呢一局,以總盤數2:0領先,奪冠似乎已經志在必得。不過,年輕嘅梅德韋傑夫並未有比拿度好過,佢喺第三及第四盤拿出自己全部本領,最終成功打破對方嘅發球局,連追兩盤,將比賽帶入決勝嘅第五盤。

去到最後一盤,梅德韋傑夫本身有機會早早打破拿度發球局,但最終仍然被對方保住,然後拿度反而連續打破梅德韋傑夫嘅發球局,一口氣領先至5:2,雖然其後梅德韋傑夫咬住最後一口氣,但最終拿度仍然以6:4拿下最後一盤,總盤數以3:2擊敗梅德韋傑夫,生涯第4次奪得美網冠軍!而成功奪冠嘅拿度,獲獎嘅時候激動到喊,可想而知佢對勝利仍然係幾咁渴求。

今次除左係拿度第4次奪得美網冠軍之外,亦都係佢第19個大滿貫錦標,距離「瑞士天王」費達拿僅差一個大滿貫就可以追平對方,並排成為歷史第一。對於拿度黎講,其今年狀態相當不錯,除左今次美網之外,較早前亦已經奪得法網冠軍,與祖高域平分秋色,相反費達拿今年一個大滿貫都拎唔到,所以未來拿度要想追平紀錄絕對非常大的機會。

今年網球界四大滿貫已經全部花落誰家,要冠軍仍舊落係「三大神獸」當中,究竟一班新生代球員幾時先可以打破呢個局面,唔通真係要等佢地三人自行退休先可以改變情況?

人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025