較早前喺東京電玩展期間，一款全新嘅《新世紀福音戰士》手機遊戲正式對外公佈，預計遊戲將於明年正式公開讓玩家下載。

本次推出嘅Eva手機遊戲叫作《新世紀福音戰士 戰鬥領域》，係由多家公司合作推出的，其中包括：inisJ、MOBCAST GAMES、T-ARTS、Asmik Ace、JUMO 等。

由大會公佈嘅遊戲影片中可以睇到，玩家將可以操控Eva來攻擊對手，對手預計將包括使徒及其他Eva機體，而可以選擇嘅武器將以「選擇指令」隨機進行，例如你可以選擇Hand Gun又或者Auto Cannon等，而用過嘅武器選擇將會消失。

而選擇不同嘅武器將需要消耗Cost的，亦即係類似Eva需要能源一樣，當能源耗盡就會失去動力。當然，遊戲中會有「絕對領域」為機體進行保護，而其他同步率等細節則暫時未有公佈。

作為Eva迷嘅你，呢款新遊戲又點可以錯過！