Sony旗下最受歡迎嘅家用遊戲機PlayStation，較早前已經宣佈最新一代PlayStation 5將於2020年尾推出，而有關PS5更多細節亦陸逐披露，其中包括新機手制新增功能。

最新由Sony官方公佈嘅最新消息，包括新一代嘅PlayStation名字並無太大改變，將會叫作PlayStation 5，並進一步確認會於2020年聖誕節正式發售。而新機外型外界一直謠傳，而最新嘅圖片顯示，與外界一直傳嘅大有不同，可以話外型靚好多，不過當然呢張亦都唔係Sony嘅官方圖片。

除左新機最新外型估計外，PS5遊戲搖桿官方宣佈會有「Haptics」及「Adaptive Triggers」兩項進化功能，其中「Haptics」能夠在不同遊戲中出現不同程度嘅震動，例如玩賽車遊戲撞車嘅震動程度將遠大於其他輕微碰撞。

而「Adaptive Triggers」功能，則適用於需要拉弓、射箭、使用武器、槍械等嘅遊戲，因為屆時需要玩家用上L2和R2兩個制，大幅增加真實性。