如果要數當今最有潛力嘅年輕球員，相信十居其九都會話係巴黎聖日耳門法國前鋒麥巴比。呢位現年只有20歲嘅射手，去年已經隨法國隊奪得世界盃冠軍，而個人展現出嘅實力亦有目共睹，繼續發現落去，未來要奪得世界足球先生應該不成問題。

作為極具潛力嘅球員，麥巴比嘅價值絕對會繼續提升，而未來嘅路點行除左佢本人嘅意願之外，就好需要一名足球經理人去協助佢，而呢個人未來可能會為「萬人迷」碧咸。

據消息指，咸爺有意簽下麥巴比，讓其成為自己公司Footwork Management旗下嘅球員。目前麥巴比一切嘅事務都係由其父親負責的，所以碧咸除左要說服麥巴比之外，亦都要讓其父親放手交由佢協助其兒子。

而消息指碧咸已經與麥巴比一方建立起良好關係，如果最終呢位射手真係加入碧咸公司，咁樣未來好大機會可以將其帶至皇馬，因為皇馬與碧咸嘅關係非淺。

不過說到尾，碧咸如果成功得到麥巴比，咁未來協助佢成功轉會下，其公司將可以獲得豐厚收入，特別係預計呢位法國射手嘅轉會都係億億聲計。