2017-18球季嘅歐聯，皇馬過五關斬六將下，成功再次奪得賽事冠軍，而其中於八強面對祖雲達斯嘅首回合，C朗拿度獻上一記驚天倒掛，相信必定會載入足球史冊上。

不過，另一邊廂被皇馬淘汰出局嘅祖記，當時嘅門將保方則再一次錯失奪得歐聯冠軍嘅機會，但呢位老門將卻於比賽惜英雄重英雄，面對攻入自己大門C朗嘅驚天倒掛，保方反而與對方於場上交流了意見。

保方表示：「當被C朗攻入倒掛後，我失落了25秒，我喺度諗究竟佢喺我身上做了什麼，係一件非常出色的事。」

「然後我問佢，C朗你幾多歲？然後佢笑住答我，對於33歲黎講算不錯了吧？」

其後C朗拿度於2018夏天加盟了祖雲達斯，但咁岩保方就離開轉投巴黎聖日耳門。然而今夏保方回歸祖記，正式成為C朗嘅隊友。

對於成為C朗嘅隊友，保方表示：「能夠於生涯最後，我有機會與C朗成為隊友，呢個於我係額外嘅經驗。」

「如果你唔能夠同最佳球員比賽，你好難去改善的，而我想將佢加入與我比賽最偉大球員之一。」

C朗目前係歐聯史上嘅最佳射手，34歲嘅佢一共攻入左127球，其中包括效力曼聯、皇馬及祖雲達斯。