如果要數目前最受歡迎嘅手提遊戲機，相信毫無疑問絕對會係任天堂嘅Switch。而事實上任天堂推出嘅手提遊戲機往往會成為大熱，就好似當年嘅Game Boy及NDS，而當中不少遊戲亦都係經典中嘅經典。

當然，Game Boy已經停產多時，但相信仍然有唔少朋友都對GB嘅舊Game依然念念不忘，咁點算好呢？一間名為Analogue嘅公司，近期就宣佈將會推出一款手提遊戲機Analogue Pocket，玩家將可以用以往GB、GBC、GBA等舊式遊戲機嘅玩戲帶進行遊戲。

Analogue Pocket外型與Game Boy相似，特別係控制器都係配備一個十字制及，4個按扭。而機身顯示器則為3.5吋，解像度為1600X1440，較原來嘅Game Boy提升左10倍。另外，遊戲機亦支援microSD卡，並以Type C作為充電及支援3.5mm耳機。

目前預計Analogue Pocket將於2020年正式發售，售價為199.99美元。