日前一個《男兒當入樽》嘅AR手機app《灌籃高手之籃框對話》正式於IOS及Android面世，用家將可以於現實中拍攝主角櫻木花道，不過此app需要收費，費用為港幣15元。

作為1996年完結嘅漫畫作品，《男兒當入樽》至今仍然有大量Fans，每每出唔同產品都可以引來搶購潮。今次呢個《灌籃高手之籃框對話》app，係利用AR技術令用家於現實世界中觀賞櫻木練習籃球，並同時支援拍攝功能，玩家將可以拍下櫻木練習過程中嘅每一個moment。

在此app當中有幾個模式，其中包括AR mode、Park mode及Album mode。當你啟用AR mode時，只要你身處公園、操場、體育館等較為寬廣嘅場所，模式就會自動識別地板，並於手機畫面上出現櫻木及7.5m高嘅籃球架，呢個時候用家就可以拍下櫻木嘅英姿。

而啟用Park mode用家將可以欣賞櫻木於公園內練習籃球，而即使你嘅手機無AR功能亦都可以用上呢個模式的。

最後Album mode則在AR mode拍下相片後將相片保存下來，並可以保存 5 秒動畫，同時支援用家將動畫分享給好友。