經典世嘉遊戲大作真人版《超音鼠大電影（Sonic the Hedgehog）》終於改頭換面做完手術返嚟，呢隻超音速嘅藍色鼠輩係五月嘅第一次預告當中明明係遊戲角色竟然奇特扮真人造型好似中左水砲車咁樣，嚇窒叔伯兄弟。 引來全世界一致劣評， 係電影界犯眾憎嘅一次經典示範， 不過最緊要就係改得快只要能夠反省自己， 立心改過做到知錯能改， 你一樣可以好似超音鼠電影咁樣重新得到觀眾認可，隻超音鼠睇落依然好藍，但就起碼係動畫可愛的「藍」，自然的天藍絕對比嚇人的水砲車染藍可愛得多，今日正式宣布超音鼠歸隊。

五月頭嘅超音鼠大電影第一次預告， 當時觀眾嘅反應非常惡劣能夠成功喺youtube得到40萬劣評， 都唔係咁簡單相信除咗香港嘅特首之外，等閑嘅混蛋都唔係佢對手。 結果導演宣佈電影延期並承諾作出調整更改， 重新設計一個符合超音鼠應該有嘅造型。

之前五月推出第一版的怪獸超音鼠如下：

近日全新造型發佈，相信大部分觀眾都會覺得比之前嗰個好得多 。起碼唔係不倫不類嘅外星生物， 如果世界多啲知錯能改的美事，就唔會咁多混亂同破壞。 死不悔改有權駛盡自以為事，是世界最大的悲哀， 超音鼠尊重觀眾知錯能改，我服。

超音鼠真人版大電影將會排於2020年2月14日上映， 希望到時小情人們有閑情逸致拖住手入場欣賞電影