英國ATC係兩聲道喇叭方面享負盛名， 不過係家庭影院方面C1C同C3C中置喇叭向來實力非凡，ATC出品的HTS系列掛牆衛星喇叭都係一等一佳作，近日，ATC就宣佈推出新的家庭影院產品震撼嘅超低音喇叭C1 Sub Mk2。 係一個12吋ATC超低音，提供強大動態超低失真嘅低音。超低音「聲波炮」係家庭影院最重要嘅配備之一， 可以為電影帶來澎湃嘅沉浸式投入感，作為家用必備影音產品，又可以稱為短距離揚聲裝置（Short Range Acoustic Device，簡稱SRAD）。裝置是一種揚聲系統，並非武器。不過裝置可產生超低音頻，調較失當或開太大可導致聽者暈眩、作嘔或喪失方向感，所以使用「短距離揚聲裝置」有嚴格的守則及操作指引。

ATC的新款C1 Sub Mk2是一款實木貼面低音炮,12寸低音單元內有ATC 200W MOSFET功率放大器。C1 Sub Mk2作為全新款式替代過去獲獎無數的Mk1版本，主要針對電影和音樂應用，新的C1 Sub的設計重新設計新的過載保護電路，輸出強大控制力的超低音。新款外型較為細小，較節省用家空間，全隻超低高45CM，連腳釘不到50CM高。用過英國ATC喇叭產品嘅朋友應該都會知道這間公司嘅產品非常沉重用料異常紮實，聲音乾淨深沉。

簡單講講，超低音喇叭係家庭影院當中最重要元素之一，可以為大家營造電影氛圍，無論係過去5.1聲道，還是7.1聲道，以致近年11.1聲道，那個點1都是超低音，佢負責的低音效果除了爆炸、打鬥、槍戰等的聲音效果，還有空間的臨場感，最易理解係潛艇海中行進嗰種持續低頻嘅低音氣氛， 一個好嘅超低音， 可以為整個家庭影院帶來聲音質素全面嘅提升。 

ATC全隻喇叭英國人手繞制安裝，2019年11月上市，建議零售價為1650英鎊。具有四種實木表面可供選擇：櫻桃色，黑灰色，緞面黑色，緞面白色，可以匹配廠方Entry系列喇叭，中置喇叭和HTS系列掛牆產品。原廠提供六年保養期。想自己係屋企轟天炸地一個好的超低音必不可小。