AR手機遊戲而家越黎越普及，其中好似Pokemon Go由2016年推出至今不斷進步，因此遊戲仍然擁有大批支持者。而最新消息又有一隻AR手機Game將於2020年面世，就係以著名日漫《足球小將》為主題嘅足球Game《TSUBASA +》。

據消息指，遊戲中玩家將會於大家非常熟悉嘅城市展開旅程，而足球將會無處不在，體育館將會出現在城市任何地方，玩家將可以慢慢召集主角戴志偉、小志強、泰來、林源三等人，並組成一支最強球隊，與世界各地不同嘅玩家展開對決。

而遊戲玩法方面，暫時得知嘅係會以1對1形式進行，玩家將要在限定時間入面，將相同顏色嘅足球合埋一齊，然後配合畫面上出現嘅時機將足球射出去。

預計遊戲應該唔會只有目前呢一種玩法，相信未來官方將會有更詳情嘅玩法介紹，大家一定唔好錯過！