{ SKIP }
文:MenClub 摯樂  圖:互聯網
POSTED ON 06 Dec 2019
【Cybertruck都係抄佢】Tesla老闆Elon Musk用100萬美金購入「007潛艇跑車」Lotus Esprit

Tesla老闆Elon Musk上個月發佈左全球車迷大震驚的Cybertruck pickup,大家先係驚訝然後大嚇一跳覺得驚喜交集,而實際上當你懷疑點解tesla嘅設計師口味咁新潮特別嘅時候,答案呼之欲出原來就係因為老闆Elon Musk的喜好,話說近日爆出Elon Musk用100萬美元買左一駕心頭好「古董跑車」,呢架正好係第十部007電影鐵金鋼007《海底城》戲中的潛艇海底車,係一架可以變身1976年生產的「Lotus Esprit」跑車,你睇呢架車其實咪就係Cybertruck的跑車原型,唧高車身加增不銹鋼面唔好以為大家就唔認得。

今次輾轉落入Elon Musk車庫的愛車,背後有一段故事,話說這是一架1976年生產的「Lotus Esprit」跑車,而且仲係當年拍攝鐵金鋼007電影《海底城》時正式使用過的電影特製車,當時拍攝組一共8架,而Elon Musk今次購入的正是其中一架。呢架車最初係由一對唔識車的紐約長島老夫妻無意中獲得,佢地30年前的一場秘密競價拍賣會,以100蚊美元嘅價格成功買落一間倉庫, 勢估唔到倉庫裏面埋藏著一份厚禮,當佢哋打開呢個倉庫嘅時候,發理裡面有一架蓮花跑車,當時佢哋冇意識到呢架車嘅特別價值不以為然。後來才得知呢架正正係占士邦007電影海底城中曾經出現嘅潛艇跑車,係電影當中的「Lotus Esprit」跑車插落水直接變身成為潛艇,仲識得喺水下發射火箭相當厲害。而呢架拍攝用嘅車輛, 自電影拍攝完畢之後一直放喺倉庫, 一擺就十多年直到畀呢對夫妻發現。

後來經過專業汽車鑑定,認證車輛為「堅料」後,呢對夫妻之後20年經常會將呢架車搬出去參加唔同的汽車展覽會,直到2013年才決定將其出售。跑車係2013年的蘇富比拍賣會上被神秘買家買走,但後來又換左新主人再輾轉第三手先落正確的主人 Elon Musk手中。

Elon Musk曾經係受訪時表示,自細就睇占士邦電影長大係占士邦迷, 佢尤其驚訝於只要一個制就可以將蓮花跑車變成潛艇。不過今次購入的潛艇跑車當初為左電影拍攝打造,英國蓮花車廠當初為左電影需求有特別改造過,潛艇工程公司花費超過42萬美元為跑車加裝鉸接鰭(articulated fins)及4個螺旋槳,讓佢能夠展現水中行動,也因為車轆已經拆除,呢架潛艇跑車實際上唔可以係道路上行走。Elon Musk受訪表示相當失望,不過就奮言會利用Tesla 車廠 的資源諗辦法重新改裝變身呢架潛艇跑車,未來話唔定Elon Musk真係會重建成功讓電影情節變成現實。而Elon Musk近來坦言,Lotus Esprit正正就係新款Cyber​​truck靈感來源之一,其實一睇兩者就應該即時理解。

 

 



由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024