世界之大真係無奇不有，較早前一位藝術家用膠帶將一隻香蕉貼在牆上，然後呢樣野就成為左一偉藝術品「Comedian」...當你以為呢件事得淡笑，最後呢件「藝術品」以12萬美元賣出...

有消息指，呢件香蕉藝術品曾以12萬美元將兩個版本嘅「Comedian」分別賣比兩位私人收藏家。而日前於邁阿密海灘巴塞爾舉行嘅藝術展，「Comedian」亦都有現身，並有唔少人前來拍照。

但令藝術界震驚嘅事日前發生左，就係一名行為藝術家David Datuna竟然拆左呢件藝術品「Comedian」上嘅香蕉，然後食左佢，並表示：「藝術表演……飢餓的藝術家。」

對於突如其來對藝術品嘅攻擊，藝術館方面隨即趕至並記低Datuna資料以及送走佢。不過，大會並無意對Datuna作出追究，因為大會發言人表示「Comedian」只係一個概念，牆上嘅香蕉本來就可以被替換，所以其後大會已經換上一隻新嘅香蕉，並直指藝術品並無任何損毀。

所以話，藝術嘅野我真係識條鐵咩，點估到貼隻香蕉喺牆就可以賣百幾萬，唔知我貼其他生果會唔會都可以賣到咁貴呢？