如果有一本筆記，只要你寫上一個你認識嘅人個名就會死，你～夠唔夠膽寫？如果夠膽你又會寫邊個個名？

日本漫畫《死亡筆記》由2003年12月起開始連載，其後於2006年5月正式完結，雖然連載時間唔算長，但係由於故事主角們鬥智鬥力嘅內容非常精彩，所以令唔少人著迷，並深受歡迎。其後，亦有《死亡筆記》同名電影推出，成功引起不少熱話及追看。

而相隔14年後，喺《Jump Square》2020年3月號刊封面圖上，竟然再次出現《死亡筆記》嘅新作預告，可以睇到主角將會繼續有死神流克及成功打倒自以為新世界之神嘅夜神月嘅L繼承人N，而且圖片顯示新作將會一口氣推出87頁，相信內容應該都會非常豐富。同時，今次新作將繼續由大場鶇原作、小畑健作畫，所以水準絕對有保證。

由於前作故事主角兼奸角夜神月已死，所以今次新推出但又繼續有N呢位角色出現嘅話，好大可能係流克又再一次將《死亡筆記》掉入人間，然後又再出現類似「新奇拿」嘅人物出現，而劇情應該好大機會再一次鬥智鬥力，去將惡人搵出黎！如果香港都有好似N嘅人出現調查事情嘅始末，咁樣就可以還被冤枉嘅人清白啦！