無聲絕境又嚟喇，刀仔鋸大樹第一部創意嘅新作從來都係最吸引，2018年嘅無聲絕境為世人帶來驚喜，唔聲唔聲嘅電影真係唔止嚇你一驚，戲原來可以咁樣拍，2100萬美元成本鋸出3億4000萬美元票房，原班人馬繼續歷險第二集無聲絕境2釋出預告，今回世界怪物依舊唔好出聲，Abbott一家連BB一聲不響遇上新危險，人類從來都係比怪獸更恐怖，當世上還有倖存者，生還的唔值得被救，上集只關注一家人救生，到底個世界發生咩事？今回多左生還的人類，多左另一個新角度睇恐怖的事件，人性才最可怕，三月靜靜雞入場， 食薯片打乞嚏咳嘅全部小心......出聲死全家.......

我從來最敬仰刀仔鋸大樹嘅創意電影，通常有第一部就有好多部同類嘅橋段，不過當最經典的無聲絕境推出全新第2集，就要特別關注。第二部終於推出正式預告，未見到香港版預告，不過我地想要的是內容，點會咁容易受地域嘅限制，臺灣版照睇住先，香港版正式預告應該不遠了。呢次將會是第一集故事的延續，預告從最初事件恐怖第一日開始回憶，再繼續第一集的結尾 。延續嘅係整個世界觀， 並且將會延伸到其他生還者嘅故事， 唔再全程只著重於一家人嘅逃難，至於倖存者到底係咪應該聯手團結一致還是生存者比起怪獸更值得保持距離， 預告中提出一個觀點，生還嘅人唔值得被救，原因就要入場先知道，不過呢種玩法比起一大班生還者合力一起生存的傳統式思維更合符呢套戲的設定，也更令人期待故事發展。

導演係之前嘅訪問中提及過第二集相關構思：「我喜歡第一集中的概念，那就是Emily Blunt和我的角色不停係生存與成長之間掙扎。我的角色唯一想要的就只有活下去。而她的角色則表示『夠了！我們需要成長茁壯。我們必須要讓孩子們過正常生活』。所以當我的角色犧牲後，我希望看到Emily的角色獨自面對這種兩難的掙扎，並試圖在旅程中尋找生存方式，接著慢慢意識到『成長』的想法太過危險了。」以此作為主軸的續集，將更著重角色的內心掙扎，而人性絕對會比怪物更可怕。

上集故事講述2020年的世界，忽然被一群沒有視力，但有極靈敏聽覺的外星怪物入侵，任何發出聲音嘅生物都會被殺，地球一片死寂。Abbott一家四口是故事當中的倖存者，但可惜細仔同爸爸先後被殺，主角驚險下生左BB，一個媽媽帶住小朋友同埋唔可以出聲嘅BB 繼續艱難嘅旅程。

導演John Krasinski將會再一次，將無聲絕境帶比觀眾，三月份一齊經歷唔聲唔聲才最得人驚！