{ SKIP }
文:MenClub 摯樂  圖:互聯網
POSTED ON 24 Jan 2020
【知己知彼】Netflix「流感大流行」係一家人必睇防疫紀錄片 

今年農曆年大陸史無前例連CCTV無B的「春晚」都取消直播,你就知道主旋律係留喺屋企乖乖過年,三姑六婆嚟拜年除左答問大會外,最應節活動就係一齊睇最新Netflix的紀錄片「流感大流行」學習如何應對呼吸道感染傳染病。 防疫唔係民族大業而係全球的大災難,呢部紀錄片適合左中右紅黃綠所有人睇。帶藍罐曲奇來拜年的大舅父率先發言「你睇下美國人都有流感疫情,成日以為美國佬巴閉,美國1300萬人感染流感,死左6600人啦,我地中國都未有死咁多...」講到呢度,只見表姐拉住黃表弟,黃表弟一個扮鎮定,淡淡言道「流感係有藥醫,可防控,「武漢廢言」……即「武漢肺炎」呢暫時係無藥醫,無疫苗,只能等死....大家笑而不語,表姐破冰「你部電視幾靚喎!而家Netflix係咪4K畫質...」

對了,Netflix近日上架左一套對人類非常有啟發性的紀錄片,真心值得每一位放假時睇下,名字應景就叫「流感大流行」劇集回顧左大規模流感病毒在全球範圍內的發展歷史,以及人們不斷尋求應對方式的努力。下一次大規模流感爆發會是什麼時候?如何防止大流感爆發係地球村最重要的課題之一。

無知者無畏,正如內地好多民眾一直唔存在恐懼,但當有一日忽然得知活在疫症之下,主旋律忽然大變,就真係好驚,正如流感大流行第一集對流行病係用「絕對」一詞,大規模蔓延惡性流感是絕對會發生的。片中所有的專家係呢點上都保持高度一致,呢個只是遲同早的問題。原因其實好簡單,就是因為流感病毒會不斷變異,且隱藏性極強(容易讓免疫系統無法及時識別)。而最得人驚的惡性流感和普通流感的最大差別係前者往往來自動物界,人類本身沒有自帶抗體可以抵禦,只能睇自身免疫力和病毒邊一個好打D,而人類自身輸的可能性極大。

其他更多的內容一連六集的紀錄片就留返畀大家自己慢慢認真睇,記得保護個人衛生係生存至關重要的事,無論你一家人政見有幾複雜曲折離奇,互相提醒勤洗手戴口罩用公筷食飯,保持高度關注衛生係過時過節重點,有健康才有更多個農曆新年,祝大家農曆新年身體健康龍馬精神!




由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024