法國知名音響品牌YBA上年係德國慕尼黑音響展首次展出旗下Heritage R100數碼串流音樂一體機Heritage R100，當下2020年二月中即將正式推出，一體化到一個程度，集訊源與擴音機於一身，只需要加一對喇叭仔就可以開聲播歌，真正All in One，直頭係一部家庭電器。音響沒落但家庭影音電器有新的需求同存在價值，你無玩開音響，但你需要音樂和便捷，確係一個法式智慧好選擇。

法國YBA的“ Heritage”系列屬於廠方中高階系列，向來有完整的產品線，數碼訊源的部份就從缺，不過一推出就係Heritage R100，原本應當屬於數碼串流播放機，但法國人做多左，一做就變成一體化數碼音樂中心。Heritage R100有旗下系列的招牌式外型設計，高檔金屬感，面板係彩色大型顯示螢幕，一機有齊了數碼串流訊源、DAC、模擬唱放輸入、前後級擴音功能，耳機輸出及喇叭輸出，功能非常齊全。其他野除左喇叭咩都唔需要。而其推動力為110瓦/8歐姆，160瓦/4歐姆 ，可以輕鬆推到一般的喇叭。

數據上，其數碼解碼使用AK4490EQ DAC晶片，內置有線性電源與330VA高品質變壓牛，故供電比咁多組件依然卓卓有餘。機背可見，其超詳細的應用，包含有5組RCA(1xphono)與1組XLR類比輸入，1組光纖與2組USB數位輸入，數碼可支援至32bit/384kHz與DSD256的檔案格式，驚人地居然內置埋藍芽接收模組，可以玩藍芽連接播手機或平板電腦音樂。具網絡功能透過RJ45網線可以接收Tidal、Qobuz等網絡音樂串流服務。連喇叭都未買都可以接駁耳機自己聽，提供6.35mm耳機輸出，當然你有喇叭就連接其喇叭端子輸出。

咁一體化的功能，加上法國品牌法式的優越，售價只係4000歐元，四皮野搞掂一個音樂系統，如果你崇尚傳統一件一件的大型音響玩法同建設，咁可能當YBA趣聞咁睇，但如果你真正需要音樂又唔想慢慢組建一套音響，呢部正是品味實力同音樂之選。