《熱血最強》作為艾度蘭系列最後一部，相信係唔少80後嘅童年回憶，故事講述一間學校可以變成身巨大機械人與外星人對戰，然後由全班學生駕駛出戰，當時作為學生嘅你又有無幻想過自己間學校忽然都可以變身呢？

日本BANDAI SPIRITS公司HOBBY事業部日前就繼HG 1/300 GO-SAURER(戈修羅)及HG 1/300 Magnasaurer(超強修羅)後，推出最後一部機體HG 1/300 Gransaurer(格蘭修羅)，亦即係故事當中嘅格蘭三角龍。

格蘭三角龍可以透過熱血進化變身為格蘭修羅，並且可以與戈修羅及超強修羅進行超熱血合體，合體成為龍皇修羅。

而今次BANDAI即將推出嘅格蘭修羅，暫時未知確實發售日期及機體詳細資料，只有於Twitter上發佈嘅圖片，其中包括格蘭修羅、三角龍及噴射機三角型態嘅圖片，因此相信HG 1/300 Gransaurer將可以進行三種變身。

另外，大部人都非常在意嘅就係三部修羅究竟可否真正進行合體，從而變成龍皇修羅，而相信當真正發佈格蘭修羅之後，BANDAI都必定會公佈！

波特先生Facebook Page

https://www.facebook.com/mrharrypotter65/