香港呢個社會不缺錢，老老實實香港係全世界其中一個最富有的地區之一但我地缺乏的只係空間，所以玩音響成為困難的奢侈品主因係買得起但放唔落，也因此超小型的書架喇叭仔成為香港發燒友常態，除左所謂英式3/5A類小喇叭，其實仲可以玩歐陸風格的丹麥喇叭，北歐音響世界知名，因為除了有英式音樂感，還有北歐的清新通透，聲音偏向現代但靈活於古典樂，係新舊相融的一種全面性，唔會怕舊式聲太濃，美式聲太粗，丹麥就剛剛好。講丹麥Audiovector R1 Signature就係近期最全面的細喇叭仔。

丹麥Audiovector係北歐其中一個音響大廠，所有單元自行研發丹麥製造，唔會有其他品牌同類的聲音，也就是認認真真做聲音，唔係去內地買個單元拼貼出嚟又話調聲當成品。旗下最新書架小喇叭R 1 Signature使用的單元特別出色有趣，用獨家三點式固定碳纖維錐盆使用鈦線圈，一對書架高音用其新款R Evotech 軟半球體，以半球體高音就知道聲音柔順自然，絕對比現行流行的鋁帶高音易於順服，唔會「標」聲簡單易玩同時醇和剔透。中低音則使用特輕碳纖維單元，中頻美絕得來低頻強勁動態過人，一見碳纖就知係清聲通透型中性的聲音。

講來講去最緊要其實係細小，細小是美好的，水滴型的喇叭箱體對香港消費者而言就是慳位，而對喇叭本身而言整個設計完全是聲學考量，即行內稱為“琵琶”-式設計可以最大程度地減少喇叭內部的駐波。提供精確的音響舞台和爆發力。呢對書架仔喇叭，係高貴中又見平實的價格，單睇外觀就知道同一般的舊型喇叭仔不能同日而語。

規格：

。書架低音反射式

。2路2單元

。3100Hz分頻

。R Evotech半球體軟頂高音

。6.5英寸碳纖維喇叭單元

。鈦技術線圈

。SEC後向式高音系統

。頻率範圍：42Hz–28kHz

。靈敏度/阻抗：：87dB / 8Ω

。承載功率：160瓦