《魔神英雄傳》相隔多年後嘅新作《魔神英雄傳 七魂的龍神丸》即將於日本播放，相信一班Fans已經好心急，而BANDAI方面就配合上《魔神英雄傳》30週年紀念，推出多款特別版模式，其中最新公佈將會推出《新魔神英雄傳》中飛雲使用嘅主角機新星龍神丸【30周年特別記念版】。

新星龍神丸係《魔神英雄傳》中嘅龍神丸於星界山獲得星宿給予嘅力量後變身成嘅經常型態，與龍神丸相比最大分別就係獲得雙翼，令佢終於可以自行飛行，從而於宇宙一樣嘅星界中移動。

而今次新星龍神丸【30周年特別記念版】與以往推出嘅版本，主要將模型塗裝改為更加亮眼嘅電鍍及金屬色調，無論係星龍劍及雙爪都更具質感，完全係豪華嘅感覺。

新星龍神丸【30周年特別記念版】

參考售價：8,250 日圓(含稅)

預計發售日期：2020年9月

商品規格：ABS、PVC製塗裝完成品，全高約90mm