奧地利單車運動員Slavik Hannes日前上載一段他在商場一項表演賽的片段，幾日之間已在其個人facebook專頁累積了30萬瀏覽人次。

呢段片裡面，Slavik以短短53秒就由商場5樓經扶手電梯落到地下，中途仲有幾個跳台，當然啦，呢啲只係小兒科，難唔到佢哋，但觀 眾就過足癮，尤其係當Slavik由二樓直接經斜台飛落地下嗰一刻，相當之震撼。接近終點前，仲喺圓形室內廣場整咗個跳台，粗略估計，成條track圍觀人數一定唔少得過6000人，淨係單一event都吸到咁多人嚟，贏晒啦

其實德國、奧地利的大型購物中心經常有類似活動，好老實，消費嘅嘢都幾靠年青一輩，要令班後生仔覺得你個「場」係型係In，搞室內單車表演賽係其中一招。不過，喺香港，乜都話危險，又嫌你封晒行人通道，阻住啲名店吸內地客已經係死罪，有創意嘅marketing大員幻想吓好嘞。繼續等睇韓星簽唱會啦。