疫情之下好彩Netflix仲有新戲睇，四月有套「雷神」主演新戲上架，還記得Chris Hemsworth上年好威咁話我要息影回家，留在家中咩野都唔做好好趁機花時間同家人相處。估唔到家下全世界陪你Stay home，好彩月尾悶到慌都有Netflix動作新片《驚天營救》，雷神奇俠今次唔用鎚揸槍用拳頭講一個壞男人的大轉變，通過深入孟加拉解救一個小男孩得到救贖改變自我，即簡單講做左好人套戲講「好十一」--『解救未成年少男脫離兇惡！』 有時救人其實係救自己。

Netflix 原創動作驚悚電影《驚天營救》（Extraction）最新釋出型仔劇照同預告，呢部電影製作班底非常之強大，絕對同戲院上的新片無分別，《驚天營救》由《復仇者聯盟3：無限之戰》導演Joe Russo撰寫劇本，係Marvel系列電影特技人員Sam Hargrave首部執導的作品。由「雷神奇俠」Chris Hemsworth主演展示硬漢作風解救一位重要的小朋友人質。

故事描述強悍無懼的僱傭兵（Tyler，Chris Hemsworth飾演）接到一項危險任務，前往孟加拉首都達卡，拯救犯罪首腦遭人綁架的兒子。面對暗黑的軍火商和佈滿毒販的地下世界，這個致命任務將永遠改變Tyler和小男孩的人生。Russo兄弟又一火爆之作，就咁睇預告同內容好像硬漢中有情深，火熱中見柔情，而且係光明人性光輝之作，近期電影好邪惡，難得正氣呀。

據之前訪問得出原來電影中的主角Tyler視死如歸背後仲有一段故事， 有一個黑暗嘅過去無法釋懷纏繞住佢，原來佢曾經歷失去親生兒子，一直收埋自己表面打打殺殺，但卻因為呢次的任務喚醒左佢內在的情感投射， 釋放內在傷痛。Chris Hemsworth真人除左有一間好大好大的屋，一家仲有三個女同一大隻狗，所以作為好爸爸，對小朋友的情感係真摯誠懇，所以呢套野應非常適合佢的發揮。仲打得好恨動作好狂，五月前絕對不能錯過。

《驚天營救》預計將於 4 月 24 日登陸 Netflix 平台首播。