其實早一兩年Bandai就已經出過MG 1/100級嘅V2突擊殲滅型模式，亦有推出電鍍嘅配件，而今次嘅「鈦金屬版」最大嘅分別就係成隻成隻高達都係金屬配色，營造出金光閃閃嘅質感。其中白色嘅部份用上「Titanium Finish」，所以呈反光嘅銀白色，其餘部件亦用上電鍍色。另外值得一提嘅係「殲滅型組件」同「突擊型組件」係可以裝拆，所以買一隻你就有齊包括普通V2嘅各種變化。

售價方面為16500Yen，即係HK$1170左右，但要留意只在Gundam Base網站發售。