換個湯包靈活變通就係日本人嘅創意， 懷舊玩意他媽哥池歷久不衰，佢地居然諗到喺2020年今日將電子寵物轉換成《新世紀福音戰士》使徒，名都改埋叫「Evachi」。玩法同以前經典電子雞無咩分別，只係改左樣同名有初號機、二號機與零號機等三種配色選擇，使徒BB肚餓就餵佢食「S2機關」，被污染就清洗，「Evachi」可以養出超過 20 種不同的使徒，真係新世紀中年人懷舊福音。

日本人最鐘意玩聯乘作，今次係BANDAI X Tamagoch，好奇點解呢間Tamagoch咁利害，出極都仲有新貨，而且下下用同一個機芯，幾十年不變，堅料長情。呢種歷久不衰的他媽哥池新版本即新型「汎用蛋型決戰兵器 EVATCHI」預計 2020 年 6 月 13 日正式發售，售價為 2,530 日圓 (大約 $170 港幣)，曾經玩過第一代他媽哥池嘅男女朋友而家應該全部變曬師奶阿叔。 一百幾十蚊唔係貴，有冇興趣重拾童年新回憶。