「反手聖光劍」番黎啦！對於呢個名大家必定有好多回憶，而呢套動畫《達爾大冒險》(又名: 神龍之謎) 嘅重製版早前亦正式確認將於10月回歸！

而除左宣佈高質重製版10月回歸之外，官方亦發佈左大慨1分鐘嘅片段(以下影片51:28開始)，大家可以欣賞一下，質素上都算唔錯，特別係人物發光嘅部份，所以絕對值得大家期待到時正式播映。

《達爾大冒險》最先於1989年於「週刊少年 Jump」上連載，其後於1991年發佈動畫，其故事係採用遊戲《勇者鬥惡龍系列》嘅世界觀創作的，所以你可以發現動漫當中唔少魔物都熟口熟面咁。

作為小編最愛嘅動畫之一，《達爾大冒險》嘅回歸實在令人感動，「反手聖光劍」又可以再次熱爆啦！