美國紐約布魯克林老牌耳機廠Grado即將推出全新限量版耳機，今次玩材料使用楓木加上大麻作為原材料，製成特別版大麻耳機，突出點係別注嘅外殼， Grado設計時試驗多種材料，不過後來唔知邊個設計師High大左，將大麻加入混合物中。再嘗試左幾種不同的混合物之後，成功將大麻同大麻一齊捲起製成耳機外殼，而且作為尼阻物大麻用落耳機出來的聲音令廠方大為震驚，耳機發燒友係時候試燒一燒大麻耳機！

美國Grado成立於1950年的年代，屹立於音響界原來已經好耐歷史，最初Grado只單純生產黑膠唱頭，係一間著名唱頭廠，後來成功跨入耳機領域，即使近年耳機品牌如雨後春筍愈出愈多 ，Grado呢個老牌耳機廠依然屹立不倒，佢一向特點係感動好聲，帶落不特別舒適，為追求聲音質素同奔放空間感， 仲會漏聲四圍嘅人都會聽到耳機音樂，所以絕對唔適合辦公室使用，但就討好一眾對聲音有要求的耳機音樂發燒友。

今次推出的The Hemp大麻製限量版耳機，漩渦狀外殼迷幻質感來自楓木加高度壓縮的大麻複合素材製成。不過大麻耳機主要係外觀上進行革新，耳機依然保持Grado露天式聲音的自然風格，不過Grado強調感受唔同物料作為尼阻物對耳機聲音帶來的細微差別和變化係相當有趣的地方，雖然音響技術上無特別創新之處，但the Hemp大麻製限量版耳機依然有物料上的唔同聲音特質，原來大麻經壓縮後加入耳機殼有助於產生強勁低頻和加強高音的飽滿度，用家真係親耳感受大麻之聲！Grado的大麻耳機現已開始接受預訂，預計6月底可以出貨，定價為美金$ 420。鐘情於Grado感動心靈的聲音有別於一般降噪耳機趨勢嘅發燒友值得一試！