上個星期同大家介紹過G-Shock x EVA 推出嘅DW-6900，今個星期G-Shock又同另一個日本動漫巨頭合作，推出下面呢隻GA-110——睇隻色你都估到係邊部作品啦下話？

冇錯，一睇到呢隻「波波路星青蛙的糞便顏色」，就知G-Shock今次搵黎《龍珠》合作。同以往嘅聯乘作品一樣，呢隻GA-110JDB-1A4功能上同一隻普通嘅GA-110冇分別，都係指針數碼雙顯示。但外觀方面就非常《龍珠》啦，老遠都睇到嘅橙色錶帶及錶身上佈滿漫畫中，悟空成長與訓練嘅畫面，而錶面9點嘅速度拍針就有燈4星珠，3點位置就有個「Z」喺到。數碼顯示屏亦換上黑底金字，LED背燈則用上金黃色。

GA-110JDB-1A4將會於7月22日在G-Shock官網發售，售價據報為$250美金。