{ SKIP }

POSTED ON 08 Jul 2020
【紅底串爆】Elon Musk 網推Tesla 紅色底褲(short shorts)火速售罄

Elon Musk乃本世紀第一奇人,旗下生意愈做愈掂,單係電動車Tesla股價衝破1,200美元,已超越Toyota成為全球市值最高車廠。對此,向來串咀的Elon Musk係官方網站高調推出紅色底褲(short shorts)諷刺曾經得罪稱佢為賣空者(short seller)的美國證券交易委員會(SEC)!呢條鑲金邊的紅色底底一推出馬上極速售罄,Elon Musk少林方丈係人都知但言出必行令人印象深刻,佢有兩個經常出口諷刺的對家,一個係美國證券交易委員會,另一個就係Amazon創辦人貝佐斯(Jeff Bezos)。


Elon Musk早前曾經係Twitter上表示Tesla將會生產金色邊嘅紅色短褲,估唔到佢並非口講三日後馬上行動,係官網限量出售呢款紅色底底,定價69.420美元。馬斯克特別喜歡提到420,420自然同大麻有關聯,而且仲因為2018年佢曾誓言以每股420美元的價格將特斯拉私有化而陷入困境。6月28日,他發了一條推文:“ 4/20之後再過69日哈哈。”呢條底褲上除左角落鑲著Tesla的Logo,後面更印著「S3XY」代表著目前的四大產品(Model S、Model 3、Model X、Model Y),相當有意思!



兩年前曾經與SEC結怨,2018年8月馬斯克係Twitter上發文,指考慮將特斯拉私有化並以每股420美元的價格出售,呢番話引發軒然大波,令特斯拉股價大升超過6%,SEC曾就呢件事對馬斯克提出訴訟,指控佢發布誤導性言論,意圖炒作股價。Elon Musk反擊揶揄SEC為「賣空致富委員會(Shortseller Enrichment Commission)」,宣稱將寄幾條底褲,係呢個艱難時期撫慰他們一下。至今馬斯克一得閒時不時就會諷刺SEC幾句。


上年聖誕節前,Tesla股價連升4日突破420美元,當時馬斯克發Twitter表示,「嘩,股價太高啦!哈哈。」今次刻意定價69.420美元,同樣係對SEC的串爆。Elon Musk其實好鍾意係旗下官方網站販售一啲同本業無關嘅產品,例如佢的隧道公司The Boring Company曾出售棒球帽與噴火槍,呢類無謂產品通常被搶購一空,非常受歡迎。


近期Tesla表現良好,全球汽車業係疫情威脅下嚴重受挫,但Tesla似乎影響較細,今年至今股價已成長達189%,達到1,208美元歷史新高,市值突破2,200億美元,成為全球最有價值車廠。較早前特斯拉報告2020年第二季量產與交車數,雖然由於美國封鎖位於加州的工廠關閉長達2個月,但本季交車數達到9萬架,並生產8.2萬架車。遠超華爾街估計的交車數7.2萬架,也勝過2020年第一季8.8萬輛成績,同比去年僅下滑約5%左右,受疫情衝擊程度大大輕於其他車廠。馬斯克又發布超級充電站的使用率資訊,聲稱北美地區目前使用率已經超越疫情前水準。


此前,馬斯克曾經寄出一封比員工的內部信,稱要維持損益兩平「非常緊繃」,要求員工一齊努力。內人士認為係好消息,並指其可能達成連續四季獲利的里程碑,當然一齊嚟實都要等2020年第二季真正業績公佈。 大家睇好Tesla除左入多幾架車,仲可以等機會再入多幾條底褲,應有日後有炒價市場。



由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024