法國遊戲商Ubisoft 係最新 Ubisoft Forward 活動中正式介紹《 Far Cry 6》遊戲，並釋出首個充滿電影感的預告。遊戲預告已勁到媲美一級電影由《The Mandalorian》、《絕命毒師》「炸雞叔」Giancarlo Esposito 與《玩轉極樂園》的 Anthony Gonzalez 領銜參演，並由艾美獎得主 Patrick Clair 執導開場動畫，相當精采。 玩家則擔當現代遊擊革命暴徒，目標係殺入總統府邸推翻暴政，遊戲繼續以第一人稱射擊遊戲，係虛構世界參與光復革命！PS5,Xbox Series 8全新世代機能加上超強大電影感的過場，絕對係2021年最精彩遊戲新作之一。

《Far Cry 6》（極地戰嚎6）故事設定係一個時間被定格的熱帶天堂 「亞拉」，國家獨裁者安東意圖傳位畀佢的兒子迪亞哥，維護其血流成河的極權統治。而玩家就要扮演一位亞拉人「丹尼‧羅哈斯」，作為一名游擊隊革命戰士來解放國家。《極地戰嚎6》將會係咁多集系列中地圖最遼闊最大的一個，非常大的地圖由叢林、海灘及亞拉首都城市Esperanza所構成，玩家將會係呢個世界觀中作戰。《Far Cry 6》預計2021年 2 月 18 日於 Xbox Series X、PlayStation 5、Xbox One、PlayStation 4 以及 Windows PC （ Epic Games Store 與 Uplay）上發售。據說買左PS4版本的玩家可以免費升級PS5的遊戲。

遊戲好唔好玩未知，但我知個預告相當好睇，值得一睇！