又到左日本人創意時間，近期日本一間叫「島村樂器」的公司推出「SilicaClean」口罩，專門比玩樂器的樂手帶住口罩玩吹奏樂器，等大家可以一路吹奏一路保持社交距離，呢個罩口位置有個窿的口罩真係堅防疫又吹蕭，一推出馬上吸引日本媒體報導，不過創意的日本網民馬上將呢個新產品評頭品足，仲話要send去比SOD參詳參詳......

疫情之下帶口罩就係最好的防疫方法，日本人已經學精左，當中仲發明左好多實用的道具為唔同疑難的個案解決問題，交響樂團管樂器吹奏樂手係肺炎疫情當中好可能係傳染病毒的高風險族群，所以有樂器公司特別設計超實用的吹奏管樂專用口罩。設計的確幾實用，廠方號稱能夠讓演奏者吹奏樂器，同時有效減少飛沫飄散！而且仲可以重複使用，易於清潔，口罩口部的位置有個長約7CM的開口讓樂器的吹嘴通過完全沒問題，裡面仲有一層遮罩，不吹樂器也能當一般口罩使用！呢個SilicaClean口罩售價1,848日元（大約港元$134連稅），可選白色、淺灰及黑色，另有細碼（長13.5x闊17.5厘米）及中至大碼（長14x闊19厘米）選擇。其實都係相當好的設計，不過網民似乎另有體會，覺得呢個口罩相當有嫌疑...